Српскиот тенисер Новак Ѓоковиќ се уште не знае кој ќе му биде тренер. Пред два дена објави дека ја прекинува соработката со Горан Иванишевиќ. Србинот истакна дека Хрватот е негова драга личност и нивното пријателство нема да заврши.
„Се уште не знам точно кој ќе биде новиот тренер и дали воопшто ќе има таков. Имам тренери уште од детството, сега се обидувам да се потпрам на моите чувства и самостојно да одлучувам што ми треба, што е позгодно за мене. Ако некој се приклучи на тимот, тоа ќе биде објавено“, изјави Ѓоковиќ, цитиран од Tennis Majors.
Ѓоковиќ и Иванишевиќ почнаа да соработуваат од 2018 година. Покрај Ѓоковиќ, Иванишевиќ беше тренер на Хрватот Марин Чилиќ, Чехот Томаш Бердих и Канаѓанецот Милан Раониќ.
Од 2018 година, Ѓоковиќ четири пати ги освои Австралија Опен и Вимблдон, а Ролан Гарос и УС Опен по два пати.