Ненад Зимоњиќ е мој пријател долго време, го познавам од мал, ми беше капитен во Дејвис куп репрезентацијата, заедно го освоивме АТП купот, секогаш имавме добра комуникација. Уживам да работам со него, а ќе разговараме понатаму по Монте Карло, изјави најдобриот светски тенисер Новак Ѓоковиќ.
Српскиот тенисер неодамна ја заврши соработката со Горан Иванишевиќ, а Зимоњиќ беше со него на тренинг во Белград и ќе биде на Мастерсот во Монако.
„Ми се допаѓа како размислува за тенисот, како ја набљудува мојата игра и играта на другите тенисери. Секогаш ми помагаше, беше како ментор, постар брат… Секогаш ја имавме таа врска. Бев во Белград кога почнав тренирајќи на земјена подлога и го прашав дали има шанса да биде во Монако, на што тој рече да. Тоа се заснова на нашата стара врска, ќе разговараме повторно за тоа на крајот на турнирот. Досега беше забавно како и секогаш. Нешто ново и освежувачко“, истакна Ѓоковиќ за тимот.