Ко-сопственикот на Манчестер Јунајтед, Џим Ратклиф, е заинтересиран да се ослободи од Касемиро (33) поради неговата висока плата, но Бразилецот би можел да стане уште поголем финансиски товар за клубот од „Олд Трафорд“.
Имено, доколку Јунајтед ја освои Лигата на Европа, што би им обезбедило место во Лигата на шампионите, платата на бразилскиот играч од средниот ред ќе се зголеми за 25 проценти следната сезона, според „тајна клаузула“ во неговиот договор, пишува Дејли Меил.
Јунајтед сака да се ослободи од платата на Касемиро од околу 413.000 евра неделно, а сега неделната заработка на Бразилецот во последната година од договорот би можела да скокне на околу 590.000 евра.
Да ве потсетиме, Кристијано Роналдо заработи толку во својот втор мандат во клубот.
Патем, во март, Ретклиф го прогласи Каземиро за еден од шесте играчи (заедно со Антони, Санчо, Хојлунд, Мартинез и Онана) кои не се доволно добри или се преплатени.
Касемиро, пак, падна во втор план со доаѓањето на тренерот Рубен Аморим, кој се одлучи за младиот Тоби Колиер.
Сепак, Бразилецот повторно стана важен играч во последните недели и одигра една од клучните улоги во кампањата на Јунајтед во Лигата на Европа и во напредокот до финалето.