281
Во Македонската академија на науките и уметностите (МАНУ) на 13 март во 19 часот ќе биде отворена изложба на слики „Настани и знаци на земјата македонска“ на македонскиот сликар, графичар и мозаичар Глигор Чемерски.
Московската изложба на академик Чемерски која се одржа во Руската академија на уметностите во Москва, се врати во Скопје и овдешната публика ќе има можност да ја види во организација на МАНУ од 13 март до 13 април 2015 година.
На отворањето ќе говорат: академик Владо Камбовски, претседател на Македонската академија на науките и уметностите, Н.Е. Олег Шчербак, амбасадор на Руската Федерација во Република Македонија, академик Луан Старова секретар на Одделението за уметност МАНУ.