Утре ќе поминат цели три недели откако Банија ја погоди разорниот земјотрес.
По тој повод, заменик-градоначалникот на Глина, Бранка Бакшиќ Митиќ разговараше со новинарите на РТЛ.
Таа рече дека многу луѓе во областа веќе не спијат во автомобили, туку спијат во куќите со црвени налепници.
” Се тресеше и синоќа и денес. Опасно е за нивните животи”, рече заменик-градоначалникот на Глина, додавајќи дека “околу 50 луѓе сè уште немаат покрив над главата”.
“Камп приколките не се за оваа област. Нивната вода е замрзната, ладна е, не можат да ги загреваат приколките. Тоа треба да се реши што е можно побрзо”, рече таа.
“Дистрибуцијата на контејнери сега е малку побавна, бидејќи тие бараат инсталирање на тоалет. Луѓето не можат да одат во тоалет на овој студ”, рече заменик-градоначалникот.
На веста дека ХЕП ќе ги отпише сметките за електрична енергија, Бакшиќ Митиќ рече дека многу луѓе се снабдуваат од приватни добавувачи.