Граѓаните на Градачац денеска масовно излегоа на протест откако нивната сограѓанка Низама Хеќимовиќ, која беше жртва на насилство, беше брутално претепана, а потоа убиена.
Нејзините колешки со кои работела во фирмата „Кула“ Градачац се во солзи и шокирани.
„Работевме заедно со години. Во шок сме. Не знаевме дека е жртва на насилство, тоа го криеше, не кажуваше. Што се случи? За жал, таа се обиде да се заштити себеси и детето, но никој не се грижеше, никој не ја заштити. Немаше кој да ја заштити“, изјавила нејзината колешка за тамошните медиуми.
На крајот на краиштата, истакнува колешката, не се чувствувала безбедно.
Да потсетиме, Нермин Сулејмановиќ вчера ја уби својата невенчана сопруга пред очите на нивното деветмесечно бебе, а потоа уби уште две лица и рани уште тројца, пред да се самоубие.
Деветмесечната ќерка на Нермин и Низама, која била пронајдена во локва крв во близина на нејзината мајка, е префрлена во УКЦ Тузла, а детето е на Одделот за педијатрија, а не се знае нејзината понатамошна судбина. Наводно девојчето ќе биде предадено во Центарот за социјална работа.