Раководството на McLaren го одобри нацрт за развој на наследник на легендарната суперкола F1. Ова го пишува весникот Carbuzz што се повикува на “еден од главните клиенти” на британскиот производител. Според информациите, новиот автомобил ќе биде изграден врз модернизираната шасија на моделот P1, а во моментот е познат по ознаката hyper-GT. Новата хиперкола ќе добие голем број стилски решенија од оригиналниот McLaren P1, вклучувајќи врати кои се отвораат нагоре , како и пласмани во средината на горниот дел на каросеријата. За автомобилот е предвиден 3 седечки салон, а возачкото седиште ќе биде распоредено во средината, а оние на патниците лево и десно зад него.
Досега се тврдеше дека приемникот на McLaren F1 ќе добие 3,8-литарски Твин-турбо V6 мотор кој развива моќност од над 700 КС. Според последните информации, сепак хиперколата ќе биде со хибриден погонски систем, во чија основа ќе биде токму истиот бензински мотор. Се очекува моќноста на агрегатот да надмине 800 КС, што ќе ја претвори машината во најмоќниот модел на McLaren, некогаш произведен. Новата хиперкола ќе се нуди само во верзија “купе”.