Домашните миленици се голема радост, како за возрасните, така и за децата кои ги сметаат животните еднакви (како што треба да бидат). Затоа сопствениците на нивните миленици често им купуваат разновидна облека и мебел, како фотелји и кревети, за да си го разубават животот.
Така, еден корисник на „Редит“ кој посвоил кученце купил кревет за куче и очекувал дека ова удобно парче мебел ќе го узурпираат мачките што ги имал. Сепак, се изненадил кога видел дека креветчето го „украл“ некој друг.
– Пред неколку недели добивме ново кученце и му купивме голем кревет за куче. Очекував дека мачките ќе се обидат да му го украдат. Влегов во собата и наместо тоа, наидов на оваа глетка – напиша xDaigon како опис на фотографија од слатко девојче кое спие во кучешки кревет.