Организаторите на бесплатен концерт на претстојниот LGBTQ фестивал познат како Southern Decadence во Њу Орлеанс го откажаа концертот поради закана од мајмунски сипаници.
Поголемиот шестдневен фестивал од 1 до 5 септември требало да продолжи според планираното, како и од 1973 година, со исклучок на моментот кога удри ураганот и во првите две години од пандемијата на Ковид-19. Популарниот настан обично привлекува околу 250.000 луѓе.
Сепак, организаторите на концертот сметаа дека со зголемувањето на случаите на мајмуни сипаници, особено кај геј, бисексуалците, трансродовите и небинарни луѓе, не вреди да се ризикува.
Мајмунската сипаница се шири преку близок контакт кожа на кожа. Иако не е сексуално пренослива болест, повеќето случаи на оваа епидемија во САД биле преку сексуален контакт, кожа на кожа, според американските центри за контрола и превенција на болести.
Концертот е на отворено, но неговите познати изведувачи како Дебора Кокс, Џенифер Холидеј и Weather Girls привлекуваат голема публика.
-Танцуваат рамо до рамо, бидејќи треба да го слават животниот стил преку музика и концерт, тоа е прекрасно, но е опасност поради мајмунските сипаници- изјави организаторот Чак Робинсон за Си-Ен-Ен.
Организаторите на фестивалот рекоа дека тесно соработуваат со министерството за здравство на Луизијана.
Во државата Луизијана имаше 127 случаи на мајмунски сипаници, заклучно со четвртокот.