Пожарникарите продолжуваат да се борат со шумскиот пожар што избувна во планинскиот национален парк на шпанскиот остров Тенерифе, поради што властите евакуираа најмалку 3.800 луѓе.
Периметарот на пожарот се прошири на 31 километар низ сува шума од двете страни на стрмните карпи во близина на вулканот Теиде, највисокиот врв во Шпанија, што го отежнува пристапот до областа, и кој прекри голем дел од островот со облаци од чад и пепел.
Пожарот, кој избувна вчера, веќе зафати 2.600 хектари земјиште.
Властите испратија 17 авиони и вкупно 350 пожарникари и воен персонал. Дополнителни воздушни машини за полевање пристигнаа од копното.
Жешкото и суво време ова лето придонесоа за невообичаено големи шумски пожари во Европа и западна Канада. Научниците велат дека климатските промени предизвикани од фосилните горива доведоа до почести и помоќни екстремни временски настани.