Фудбалерот на Галатасарај, Виктор Осимен ќе отсуствува од терените околу шест недели откако го истегна бутниот мускул, објавија денеска италијанските медиуми.
Во септември, Осимен се пресели од Наполи на позајмица во Галатасарај, кој единствен сакаше да му плати на клубот и да ги исполни барањата за плата на фудбалерот, бидејќи преговорите со Челси и саудиските клубови пропаднаа.
Своите први голови за Галатасарај ги постигна викендов, кога двапати погоди во ремито 3:3 против Касимпаша.
Тој мораше да излезе на полувремето поради проблем со мускулот и се чини дека повредата е посериозна отколку што се мислеше.
Според извештаите, нигерискиот напаѓач ќе биде надвор од терените четири до шест недели.
Осимен имаше проблеми со повреди и во Наполи, вклучително и дислоцирано рамо, повреда на лицето и чести проблеми со мускулите.