Денеска на Фестивалот на европскиот филм „Синедејс“ ќе се прикажуваат филмовите на големите режисерски имиња Андреј Звјагинцев „Без љубов“ и документарниот запис „ Гледај и чуди се: Соништа за поврзан сон“ на Вернер Херцог. Годинава на Канскиот и Лондонскиот филмски фестивал филмот „Без љубов“ се закити со награди од жирито.
Краток опис на филмовите:
„Без љубов“ – Жења и Борис поминуваат низ пеколен развод исполнет со презир, фрустрација и обвинувања. Отпочнувајќи нови животи, секој со нов партнер, нестрпливи се да започнат одново, да свртат нов лист, дури и по цена на закани за напуштање на нивниот 12-годишен син, Аљоша. Но, по една од нивните расправии, Аљоша исчезнува.
„ Гледај и чуди се: Соништа за поврзан сон“ – Режисерот Вернер Херцог ги истражува минатото, сегашноста и иднината на Интернетот и како тој влијае врз човековата интеракција и модерното општество./ В.К