Голманот на Рома веќе е приоритет за ПСЖ

ПСЖ можеби се откажал од својата намера да го привлече голманот на Милан, Џиџи Донарума по крајот на сезоната.

Според руското издание на „Спорт-Експрес“, кое цитира француски извори, тимот се насочил кон голманот на Рома, Алисон.

Освен тоа, спортскиот директор на клубот Максвел, дури присуствуваше на натпревар на „римските волци“ за да го следи неговиот сонародник.

Алисон фантастично игра под рамката на неговиот тим и до денес е едно од најактуелните имиња, недели пред почетокот на летниот трансфер прозорец.

Во тековната сезона, 25-годишниот голман играше во 40 натпревари за својот тимски клуб и дозволи 38 гола, но 17 пати ја задржа својата мрежа сува.