Облачната гејмерска услуга Stadia, која Google ја развива напорно, може да ги претвори фирмените
паметни телефони Pixel во омилени гејминг уреди, тврдат аналитичари на пазарот.
Многу компании се обидуваат да промовираат облачни услуги за игри, но во повеќето случаи не
успеваат. Претходно минатата година, Google го најави проектот Stream и подоцна го преименува
во Stadia, а во март излегоа првите тестови со услугата, кои беа охрабрувачки.
Предност на облачните игри е дека тие се достапни на речиси секој уред. Самиот процес на
пресметување се одвива на серверот, дозволувајќи им на гејмерите да играат со најдобри наслови
дури и на релативно слаб компјутер, ако е способен да обработува брзо стриминг видео.
Според некои извори, Google планира да ја лансира услугата Stadia ексклузивно за своите уреди –
смартфони Pixel и лаптопи под управување на Chrome OS, откако така ќе ги претвори во целосно
функционални уреди за игри.
Таквиот потег може да помогне на Google да се израмни со Apple во продажбите на мобилни.
Компанијата од Купертино нуди слична услуга – Apple Arcade, но само за аркадни игри без
современи блокбастери. Излезе дека за многу корисници на iPhone таква услуга повеќе не е
потребна.
Во случај Stadia да се нуди исклучиво за Pixel, тоа – според аналитичарите – значително ќе ја
зголеми продажбата на смартфони од Google. Ако имаат можност да играат модерни игри на
паметен телефон, многумина ќе се откажат од iPhone во корист на Pixel.