„Пред две недели го изгубив градот. Јас и моите сограѓани никогаш нема да го заборавиме тоа чувство. Сепак, сега треба да се бориме да не изгубиме луѓе. Луѓето се уште се најголема вредност и мора да се бориме за секој човек“, изјавил градоначалникот на Петриња, Даринко Думбовиќ за хрватски „Дневник“, две недели откако се случи разорниот земјотрес во градот.
На прашањето што ќе се случи со претприемачите кои работеле во Петриња, тој рече дека разговарал за ова прашање со министерот Том Медвед, шеф на Штабот за елиминација на последиците од земјотресот.
„Луѓето ќе имаат каде да живеат, но нема да имаат каде да работат, затоа паралелно мора да работиме и на тоа. Ќе добиеме околу сто контејнери, во кои ќе можат да се сместат над 200 луѓе. Денес имав средба со претприемачи кои ми рекоа: „Градоначалнику, сакаме да останеме, сакаме да работиме“, вели Думбовиќ.
Што се однесува до градските институции, Думбовиќ рече дека се спасува сè што може да се спаси, од започнатите проекти до културното наследство.
„Ние немаме канцеларии, немаме софтвер, немаме компјутери. Ние едноставно се бориме за комуникација. Кога ќе слушнеме дека некој треба да отвори апликација, не можеме да го сториме тоа во градот затоа што нема интернет“, вели тој, додавајќи:
„Ние сакаме да реагираме навремено и да направиме акциони планови што ќе им помогнат на луѓето преку мали логистички центри кои не знаат што ги чека, кои не знаат што е црвена, жолта, зелена ознака“.