Возачот на Мекларен, Ландо Норис, ќе ја започне трката во Формула 1 за Големата награда на Абу Даби од пол-позицијата, бидејќи беше најбрз во квалификациите.
Норис стигна до пол-позицијата со време од 1:22.595 минути.
Тој беше за 0,209 секунди побрз од неговиот клупски колега Оскар Пјастри, а за 0,229 секунди од возачот на Ферари, Карлос Саинц.
Четвртото место го зазеде возачот на Хаас, Нико Хулкенберг, петтото возачот на Ред Бул, Макс Верстапен, а шестото членот на Алпин, Пјер Гасли.
До десеттата позиција се Џорџ Расел, Фернандо Алонсо, Валтери Ботас и Серхио Перез.
Возачот на Ферари, Шарл Леклер ќе ја започне трката од 14-та позиција, додека возачот на Мерцедес, Луис Хамилтон, за кого ова ќе биде последна трка за тој тим, ќе стартува од 18-та позиција.
Мекларен и Ферари се во борба за шампионската титула кај конструкторите. Мекларен има 21 поен предност пред последната трка, со максимални 44 поени на располагање. Мекларен не е шампион од 1998 година, а Ферари од 2008 година.
Големата награда на Абу Даби е закажана за недела во 14 часот.