Грчката претседателка: Го поддржуваме договорот од Охрид

Притисоци на дипломатско ниво секогаш има, но тоа не влијаеше на нашата позиција, имаме доследност во нашата политика, изјави денеска претседателката на Грција Катерини Сакеларопулу, додавајќи дека Атина го поздравува и поддржува Охридскиот договор кој го постигнаа Белград и Приштина за Анексот за спроведување на планот на ЕУ за нормализација.

„Целта е пристапување на Западен Балкан во Европската Унија и го поздравуваме напредокот во односите што е постигнат и во Брисел и во Охрид, особено Анексот“, рече таа на прес-конференцијата во Белград со српскиот претседател Александар Вучиќ, нагласувајќи дека е важно и корисно дијалогот да продолжи.