269
Грчката крајбрежна стража денеска соопшти дека спасила 48 мигранти кои со гумен чамец се обиделе илегално да влезат во Грција.
Во утринските часови патролен чамец на крајбрежната стража лоцирал за време на својата редовна патрола во морската област Агриели, кај Лезбос, гумен чамец со голем број луѓе во него, објави грчкиот весник „Катимерини“.
Екипажот на бродот на крајбрежната стража изврши безбедна евакуација и спасил 48 странци, кои биле пренесени до пристаништето во Митилена.