Појадокот со причина се смета за најважен оброк во денот, а неговото прескокнување може да биде поврзано со здравствени проблеми како забавен метаболизам и зголемување на телесната тежина, дури и зголемен ризик од дијабетес тип 2. Утринскиот оброк е особено важен за оние кои веќе имаат дијабетес.
Докажано е дека оброкот со малку јаглехидрати и маснотии го одржува нивото на шеќер во крвта стабилно во текот на денот. Иако појадокот е важен, треба да внимавате што јадете и пиете.
„Кофеинот може да предизвика скок на шеќерот во крвта кај некои луѓе со дијабетес“, вели диететичарот Лорин Манакер за Eat This Not That.
Според клиниката „Мајо“, ако имате дијабетес и користите инсулин, околу 200 милиграми кофеин може да бидат поврзани со повисоки нивоа на шеќер во крвта. Оние кои појадуваат исто така треба да внимаваат на внесот на сокови.
„Сокот е брз извор на јаглехидрати, така што неговото пиење предизвикува пораст на шеќерот во крвта“, предупредува диететичарот Сиднеј Грин.
Соковите се посиромашни со влакна од целото овошје во неговата оригинална форма. Според Центрите за контрола и превенција на болести, консумирањето влакна е од суштинско значење за контрола на шеќерот во крвта.
Решението е да ги комбинирате тие пијалоци, ако не можете без нив, со храна која ќе помогне да се одржи шеќерот во крвта.
Таквата храна вклучува извори на протеини и масти. На пример, можете да јадете изматени јајца со вашето кафе, додека со вашиот сок можете да јадете грст ореви или сендвич со путер од јаткасти плодови на леб од цели зрна.