Лидерот на ВМРО ДПМНЕ, Никола Груевски, придружуван од Александар Николоски, денеска оствари средба со амбасадорот на Руската Федерација, Олег Шчербак.
Како што известуваат од ВМРО-ДПМНЕ, средбата се одржала по барање на рускиот амбасадор, а се разговарало за актуелната политичка ситуација во Македонија и Русија.
Груевски истакнал дека по несоставувањето Влада и истекот на мандатот од 20 дена, се создала зрела ситуација за нови избори, но некои од партиите покажале страв за организација на нови предвремени избори.
Од ВМРО-ДПМНЕ сметале дека распоредот на силите по претходните избори нема да овозможел услови за непречена реализација на било чија програма и дека најдобро решение за излез од кризата биле нови избори.
Рускиот амбасадор сметал дека минатогодишните протести негативно влијаеле на економски план, внесувајќи нестабилност и неизвесност во државата.
Покрај ова, разговарале и за глобалната економија како и за економските состојби во Македонија и Русија, соопштија од ВМРО-ДПМНЕ.