Претседателот на Црна Гора Мило Ѓукановиќ синоќа во Брисел изјави дека земјите од Западен Балкан сега се подалеку од ЕУ отколку во 2014 година.
„Ова е последен момент да ги разјасниме нашите односи со Европската унија, мора да знаеме дали перспективата на земјите од Западен Балкан во Европската унија е навистина реална во догледна иднина и мора да дефинираме јасна временска рамка“, рече Ѓукановиќ по работната вечера со високиот претставник на ЕУ за надворешни работи и безбедносна политика Жозеп Борел.
Во спротивно напомена тој дека , празниот простор на Западен Балкан ќе го користат трети земји.
Според Ѓукановиќ, одговорот на ЕУ на европската перспектива на Западен Балкан е „минимум точност и одговорност за партнерство“.
„Потсетив дека на почетокот на мандатот на оваа Европска комисија, имавме неколку оптимистички проценки за европската иднина на Западен Балкан, но истовремено пристигнаа и други проценки, од други европски центри, што е во спротивност со тие најави“, – рече Ѓукановиќ.