Гутереш: Правата на жените не се луксуз кој може да чека

од Stefanija Kuzmanovska

Генералниот секретар на Обединетите нации Антонио Гутереш порача дека правата на жените не се луксуз кој може да чека додека кризата во светот не се реши и наведе дека на секои 10 минути една жена или девојче е убиена од семејството или партнерот, и дека на секои две минути една жена умира за време на бременост или породување.

Гутереш, во авторски текст по повод 8 март, Меѓународниот ден на жената, оцени дека светскиот напредок во правата на жените полека исчезнува пред наши очи, а најновите прогнози проценуваат дека, доколку се продолжи со ова темпо, ќе бидат потребни уште 300 години за постигне целосна родова еднаквост.

„Мораме да ги смениме овие ужасни трендови и да се залагаме за животите и правата на жените и девојките насекаде. Ова е еден од моите врвни приоритети и столбот на работата на Обединетите нации ширум светот. Од Јужен Судан до Мјанмар, ние ги поддржуваме жените и девојчињата во криза со тоа што ќе се погрижат во мировните процеси да се слушне и нивниот глас“, рече Гутереш.

Слични содржини