Успешната деценија на Кевин Де Бруин во Манчестер Сити може да заврши кога неговиот договор ќе истече на крајот од тековната сезона.
Белгиецот (33) ќе остане запаметен како еден од најдобрите играчи од средниот ред во Премиер лигата, но неговите моќи се намалија во последните 18 месеци. А се наѕира и негов трансфер во американската МЛС лига или Саудиска Про лига.
Де Брујн беше критикуван за неговата лоша игра во неделниот пораз на домашен терен од 2:0 од лидерот во Премиер лигата, Ливерпул.
Гвардиола проговори за блискиот однос со играчот кој дојде во Сити една година пред него. Меѓутоа, на прашањето дали таа врска ќе биде клучна во одлучувањето за иднината на Де Бруин, Гвардиола одговори:
„Ништо нема да се смени во тој поглед. Секако дека добро се познаваме и во тој поглед сме многу искрени. Мислам дека во оваа ситуација тој треба да одлучи, тоа е најважно. Тој треба да биде целосно искрен со себе за да одлучи што чувствува и што може да направи во следниот период од својот живот. Ќе има 34 години летото и треба да одлучи, како што беше случајот со Давид Силва на пример“, рече Гвардиола.
Де Бруин е еден од неколкуте постари играчи на Сити кои имаат неизвесна иднина.