Манчестер Сити долго време бараше играч кој би можел да биде достојна замена за 33-годишниот Кевин Де Брујне. Тој со години е главната надеж на Сити, но неговата форма полека опаѓа, а пред почетокот на следната сезона ќе има 34 години. Пеп Гвардиола долго време го бараше неговиот наследник, а англиските медиуми пренесуваат дека го пронашол во Бундеслигата.
Така Манчестер Сити летово ќе се обиде да го доведе Флоријан Вирц, кој одлично се вклопува во сите планови на Сити. Брилијантниот 22-годишен германски репрезентативец неодамна го продолжи договорот со Баер Леверкузен до 2028 година со ослободителна клаузула од 125 милиони евра. Сепак, може да се активира само во летото 2026 година, а Сити нема намера да чека толку долго.
„Дејли Мејл“ пишува дека претставниците на Сити стапиле во контакт со агентите на Вирц во јануари и дека добиле зелено светло за комплетирање на трансферот. Леверкузен наводно би го пуштил за 100 милиони евра бидејќи се свесни дека Вирц е многу заинтересиран за Премиер лигата и тешко ќе го задржи.
Вирц беше клучен играч во тимот на Чаби Алонсо, со што минатата година стави крај на доминацијата на Баерн во шампионатот. Тој му се приклучи на Баер во 2020 година како 16-годишник, а досега постигна 56 гола и даде 62 асистенции на 187 натпревари.