Менаџерот на Манчестер Сити, Пеп Гвардиола, инсистираше на тоа дека не се плаши од Реал Мадрид или дека ќе го загуби реваншот од четвртфиналето во Лигата на шампионите со „белите“. Пред една недела двата тима ремизираа 3:3 на „Бернабеу“, а утре на „Етихад“ ќе одредат кој ќе се пласира во полуфиналето на турнирот.
„Натпреварите со Реал секогаш биле и ќе бидат големи. Тие се нешто посебно за мене“.
Кајл Вокер веќе учествуваше на тренинг или два. Ќе видиме како ќе биде на денешниот тренинг. Се чувствува добро. Се уште не знам дали ќе започне како стартер или ќе биде на клупата за резерви, но утре ќе биде со нас. Поради многу причини, ова е неверојатно добра вест“.
„Се чувствуваме удобно по освојувањето на Лигата на шампионите, но сега ни треба вистинската енергија. Мислам дека навивачите ќе ни помогнат на нашиот стадион. Ни треба многу врева, за да го почувствуваме нивното присуство, особено во лоши времиња, бидејќи сигурно ќе има моменти кога ќе страдаме“.
„Мора да внимаваме на изненадувањата, кои ни ги приреди Карло Анчелоти и на првиот меч“.
„Не се плашам од Реал Мадрид, но многу го почитувам. Многу пати сум налетувал на нив. Нема да кажам големи работи за нив, но ги почитувам. Сакаме да ги победиме и да одиграме добро. Сакам да бидеме свои. Не се плашам од нив. Ако ме победат, што се случило многупати, ќе им честитам и ќе им посакам се најдобро“, порача Гвардиола.