560
Менекенката Хајди Клум објави дека се сомнева дека е заразена со коронавирусот.
„Чувствував дека имам вирус, ми беше ладно и ми течеше носот. Не се чувствувам добро и останав дома за да не заразам други“, призна Хајди.
Таа и нејзиниот сопруг Том Каулитц се тестираа на коронавирусот, а Хајди на Инстаграм сподели дека пристигнале резултатите.
„Многу сум подобро, ви благодарам на сите. Имав само силна настинка која се уште се обидувам да ја прележам. Ви праќам многу љубов на сите“, напишала.
Таа се тестирала пред десет дена и додека ги чекала резултатите се изолирала во луксузната вила.
Негативен е и нејзиниот сопруг Том. Парот неодамна ја прослави првата годишнина од бракот.