Ѕвездата на Манчестер Сити, Ерлинг Халанд бил пред трансфер во Барселона во 2022 година, пишува шпанското издание „Мундо Депортиво“.
Претставниците на Каталонците побарале да го привлечат фудбалерот, непосредно пред трансферот на Роберт Левандовски. Агентите биле во контакт со родителите на играчот, како и со Мино Раиола, кој беше претставник на напаѓачот во април 2021 година.
Дури отпатувале во Барселона за да дознаат за предлогот на клубот, а потоа отпатуваа за Мадрид. На крајот се решија на предлогот на Манчестер Сити, иако ги погледнаа и базите на Манчестер Јунајтед, Челси и Ливерпул.
Неколку месеци подоцна, во летото 2021 година, Халанд се согласил да се пресели во каталонскиот клуб во летото 2022 година.
Неколку месеци пред тоа, во март 2022 година, Чави одлета во Минхен за лично да се сретне со Халанд. Ерлинг бил многу возбуден поради можноста да игра во Барселона. Договорот сепак не беше постигнат поради тешката финансиска состојба на клубот. Како резултат Барселона го привлекува Роберт Левандовски.
И покрај овој неуспех, вратата на Барса се уште е отворена за Ерлинг Халанд, тврди „Мундо Депортиво“. Изданието истакнува дека Каталонците имаат намера да потпишат со ѕвездата на „граѓаните“ во летото 2025 година.