На Манчестер Сити не му оди најдобро оваа сезона, а работите да бидат уште полоши, најдобриот стрелец на тимот Ерлинг Халанд би можел да отиде во полиција за да ја пријави маскотата на клубот.
Имено, жена чие име не се открива работи како маскота кај „граѓаните“ и го пријавила тврдејќи дека поради Норвежанецот добила потрес на мозокот.
Според нејзиното сведочење, Халанд на шега ја удрил маскотата на Сити неколку пати по глава пред мечот со Саутемптон во октомври.
Жената дала интервју за британскиот таблоид The Sun и тврди дека не добила продолжување на привремениот договор затоа што пријавила.
Erling Haaland left a woman working as #ManCity mascot ‘Moonbeam’ needing hospital treatment with suspected whiplash and concussion after a knock to her head with a football before Southampton (H), reports @SunSport. The woman, who does not want to be named, also lodged an… pic.twitter.com/VXQLxbYDE4
— City Xtra (@City_Xtra) March 28, 2025
„Плачев и бев навистина потресена. Подоцна сфатив дека тој дојде зад мене и ме удри по глава, а потоа се потпре на мојата глава. Шефот на обезбедувањето ми се насмеа и ми рече дека барем можам да се пофалам дека Халанд ме удрил”, рекла таа.
Одговорните од тој сектор и понудиле по пријавата пред натпреварот да си оди дома и да не работи на натпреварот, но таа одбила.
Таа тврди дека потоа повраќала и почувствувала болки во вратот и главата, а наведува и дека ден подоцна го посетила клупскиот лекар и и било советувано да оди во болница.
Сити оттогаш започна истрага, ја прегледа снимката и во извештајот напиша дека Халанд нежно ја допрел главата на маскотата како поздрав и дека ништо од тоа не можело да ги предизвика повредите што таа ги навела.