Фисник Хаљими, политички аналитичар од Приштина, процени дека делегациите на Србија и Косово во Вашингтон ќе разговараат за пари за проекти и економија, бидејќи веќе е постигнато политичко решение за размена на територии.
„Што се однесува до политичкото решение, таа приказна е одамна задоцнета. Имаме договор за размена на територии и тоа ќе се одложи уште малку, но тоа ќе се случи, бидејќи Соединетите држави, Србија, дел од албанските политичари и што е важно, Русија се согласува со тоа“, рече Хаљими за порталот „Косово онлајн“.
Тој оцени дека не треба да се очекува договор за политичко решение на состанокот на високите претставници на Косово и Србија во Вашингтон, бидејќи состанокот е организиран за потребите на претседателската кампања на Доналд Трамп, но додаде дека договорот за размена на територии е извесен.
Хаљими смета дека Трамп ќе го искористи состанокот за да и го пренесе на јавноста како меѓународен успех, давајќи им на Белград и Приштина околу две милијарди долари директни инвестиции за многу важни инфраструктурни проекти.
„Србија и Косово ќе добијат пари за проекти, патишта и модернизација на железничкиот сообраќај. Сè ќе се случи во економската сфера. Секако, ќе бидат отворени и други прашања, за кои ќе се преговара на крајот на годината или на почетокот на следната година, доколку Трамп победи на изборите“, рече Хаљими.
Тој ја отфрли можноста за какво било изненадување и политички договор во Вашингтон.