Хаман: Баерн треба да размисли за Мурињо

Поранешниот германски репрезентативец, Дитмар Хаман смета дека Жозе Мурињо е соодветна опција за нов тренер на Баерн (Минхен).

61-годишниот Португалец последен пат беше на чело на Рома, од каде што доби отказ во јануари.

Специјалистот претходно ги водеше Бенфика, Порто, Челси, Интер, Реал Мадрид, Манчестер Јунајтед и Тотенхем.

„Морате сериозно да размислите ако сакате да доведете нов тренер. Во моментов има многу слободни места. Мислам на Мурињо, а тој е извонреден професионалец“, изјави поранешниот дефанзивец на Баварците за Sky Sports.