Конвој со хуманитарна помош влезе во Појасот Газа преку граничниот премин Рафа од Египет, потврдиja палестинскi граничари, додека египетската телевизија прикажа снимка од камионите кои влегуваат во Газа.
Преминот беше отворен околу 09:00 часот по средноевропско време. Локалните власти изјавија за Гардијан дека на 20 камиони им беше дозволено да влезат во Газа денеска, со помош од египетската влада, според договорот постигнат претходно од САД, Израел и Египет.
Во исто време, канцеларијата за медиуми на Хамас објави дека хуманитарниот конвој кој денеска влегува во Газа вклучува 20 камиони кои превезуваат лекови, медицинска опрема и ограничени количини храна, главно конзервирана, пренесе Ројтерс.
Хамас денеска објави дека 20 камиони со хуманитарна помош „нема да ги променат катастрофалните медицински состојби во Газа“, пренесе Ројтерс.