Хан за преговорите на Македонија: Ова е јасен неуспех од наша страна

Поранешниот еврокомесар Јоханес Хан учествуваше на денешната панел дискусија „Ресетирање на синергијата меѓу ЕУ и САД кон Западен Балкан“. Тој изјавил дека непочнувањето на пристапни преговори со Македонија и со Албанија е јасен неуспех на Европската Унија.

– Многу беше кажано за неспособноста на ЕУ да ги почне пристапните преговори за Македонија и Албанија. Ова е јасен неуспех од наша страна. Европската комисија донесе многу извештаи дека овие земји испорачаа резултати и отсекогаш велевме откако тие ќе испорачаат, мораме и ние да испорачаме резултати, а ние тоа не го направивме досега – рече Хан, додавајќи дека се надева оти словенечкото претседателство ќе може да постигне напредок по ова прашање.