Принцот Хари (38) и Меган Маркл (42) се „фрлаат“ во нови деловни потфати по серија неуспеси.
Извор за The Sun открил дека војводата и војвотката од Сасекс ги купиле правата за книгата „Meet Me At The Lake“ од Карли Форчн. Заплетот на книгата во некои детали е сличен на вистинската љубовна приказна на познат пар, од кои едниот изгубил родител во сообраќајна несреќа како дете, а се занимава и со проблеми со алкохол, употреба на дрога и ментално здравје.
„Темите на книгата ја воодушевија двојката и таа беше избрана за нивна прва адаптација со Нетфликс… Ова е нивниот најголем проект во кој тие ќе бидат продуценти“, рекол изворот.
Правата на романот на авторот, чија последна книга стана една од бестселерите на Њујорк Тајмс, ги чинеа Хари и Меган 3 милиони долари.
Неодамна беше откриено дека славната двојка, која има снимено само документарни серии како „Harry + Meghan“ и друга документарна програма „Live to Lead“ за Нетфликс, ќе снима и нова верзија на „Great Expectations“.
Двојката неодамна доживеа голем деловен неуспех, кога нивниот подкаст беше откажан од платформата Spotify.