Почесниот претседател на Баерн Минхен, Ули Хенес, изјави дека „може да сонува“ еден ден да ја види ѕвездата на Баер Леверкузен, Флоријан Вирц како игра за Баварците.
„Тој дефинитивно е фудбалер што не треба да го изгубиме од вид. За тоа се уште може да се сонува“, изјави Хенес за онлајн порталот t-online.de.
„Кога би можел да кажам еден сон, би сакал Флоријан Вирц да дојде во Баерн. Но, тоа е само мое лично мислење“, додаде тој.
Вирц има договор со шампионот во Бундеслигата, Баер Леверкузен до 2027 година и е трансфер цел на многу големи европски тимови, вклучувајќи го и Баерн.
„Флоријан е исклучителен фудбалер со неверојатни вештини, кој исто така е многу добар за Баерн во однос на имиџот. Затоа што тој е фудбалер кој ги забавува луѓето. Ако заедно со Џамал Мусиала, во одреден момент и Флоријан Вирц заигра за Баерн Минхен, тогаш можеме да гледаме во иднината со уште поголем душевен мир“, изјави Ули Хенес.
Ѕвездата на Баерн, Џамал Мусиала, изјави дека има одлична хемија меѓу него и Вирц додека играат заедно во германската репрезентација.