Сцена како од хорор филм на северот на Србија. Вчера околу 14 часот се случи верижна сообраќајна несреќа и голем верижен судар на магистралниот пат Суботица – Бачка Топола, во којa учествувале дури 12 возила, меѓу кои и камион.
До несреќата дошло како последица на силен ветер кој носел земја и прашина од околните ниви и создал песочна бура, па видливоста на тој дел од патот била минимална. За среќа немало жртви, јавуваат српските медиуми. Делумно веројатно поради фактот што петмина фудбалери на ТСЦ од Бачка Топола, меѓу кои и нашиот Мартин Мирчевски, спречиле поголема трагедија.
Мартин Мирчевски
-Кога се враќавме од тренинг наидовме на песочна бура, па ја намаливме брзината и застанавме покрај патот. Видовме верижен судир и потоа излеговме од автомобилот за да ги запреме возилата што доаѓаа, бидејќи ништо не се гледаше, а возачите не можеа ни да предвидат што има пред нив. Бевме петмина: Атнониќ, Чалушиќ, Филиповиќ, Мирчевски и јас. Се надевам дека барем малку ја ублаживме катастрофата што се случи. Им посакувам брзо закрепнување на сите повредени, изјавил офанзивниот играч за врска на клубот и соиграч на Мирчевски, Ифет Ѓаковац.
Fudbaleri TSC-a (Antonić, Đakovac, Čalušić, Mirčevski i Filipović) naleteli na lančani sudar i kada su videli da nadolazeći automobili nisu ni svesni šta ih čeka izašli su napolje, zaustavljali ih i verovatno spasili nekoliko života! 👏❤️ pic.twitter.com/NS7JtXH7j8
— Mozzart Sport (@MozzartSport) March 29, 2023
Шестмина патници се префрлени во Општата болница во Суботица и ниту еден од учесниците во оваа сообраќајна несреќа нема потешки повреди.
Мирчевски од лани е член на ТСЦ Бачка Топола, а претходно настапуваше за Академија Пандев.