215
Рој Хоџсон повеќе не е менаџер на Кристал Палас. Одлуката беше очекувана, но денеска и официјално беше соопштена од клубот.
76-годишниот стручњак има здравствени проблеми, откако минатиот четврток му се слошило на тренинг и бил примен во болница.
Од клубот потврдија дека тој ја напуштил медицинската установа и се чувствува добро.
„Орлите“ загубија 10 од последните 16 лигашки натпревари и се на 16-то место, пет бода над зоната за испаѓање. Ова е причината зошто Хоџсон си замина од тимот.
Кристал Палас објави дека се блиску до назначување на нов менаџер. Според англиските медиуми, тоа ќе биде Оливер Гласнер.
Roy Hodgson, he's one of our own ❤️💙 pic.twitter.com/jQrTrcFjOK
— Crystal Palace F.C. (@CPFC) February 19, 2024