272
Холандските фудбалери ја победија Австрија со 2:0 во второто коло од групата Ц на Европското првенство. Со овој триумф „лалињата“ обезбедија пласман во нокаут-фазата на натпреварувањето.
Екипата на Франк де Бур одигра многу добра партија и стигна до шестиот бод на два натпревари без никакви проблеми. Головите за Холандија ги постигнаа Мемфис Депај од белата точка и Дензел Дамфрис во второто полувреме.
Во последното коло, Холандија ќе игра натпревар со Северна Македонија, додека Австрија ќе игра со Украина во натпревар кој ќе го реши патникот во следната фаза.