Поранешниот крал во „тешка категорија“ Евандер Холифилд, кој наскоро ќе наполни 59 години и не боксувал повеќе од една деценија, во сабота ќе се натпреварува на егзибициски натпревар во Флорида со 44-годишниот Бразилец Витор Белфорт, се уште активна ММА sвезда.
Холифилд ќе го замени 48-годишниот Оскар Де Ла Хоја во рингот, поранешен светски шампион во шест различни категории од супер лесни до средни, кој исто така мораше привремено да го прекине пензионирањето, но мораше да се откаже бидејќи се зарази со Ковид-19 и бил хоспитализиран, пренесе Хина.
Оваа егзибициска вечер ќе се одржи во Флорида бидејќи боксерските власти во Калифорнија, каде што требаше да се одржи борбата, во Стејплс центарот во Лос Анџелес, не ја одобрија организацијата на таков настан во таа федерална држава.
Холифилд објави порака на Инстаграм во август во која вели дека „напорно тренира со месеци“.
По борбата, која ќе трае осум рунди по две минути, може да има средба со друг „крал во тешка категорија“ Американецот Мајк Тајсон (55), кој веќе боксуваше во ноември 2020 година против Рој Џонс Џуниор.