Без разлика колку години имате, никогаш не е доцна да почнете да јадете на начин кој ви дава најдобра можна шанса да спречите деменција додека стареете и секој ден да се чувствувате фокусирани.
Постоечките студии укажуваат на идејата дека би можеле да ја намалиме можноста за деменција со избегнување на храна која може да ги загрози нашите цревни бактерии и да ја ослаби нашата меморија и фокус, пишува CNBC.
„Потребно е да се избегне или намали одреден вид храна за мозокот да биде здрав и човекот да може остро да размислува и да донесува добри одлуки“, вели д-р Ума Наудо, нутриционист психијатар од Медицинскиот факултет Харвард.
Дополнителни шеќери
Мозокот користи енергија во форма на гликоза, форма на шеќер, за да ги стимулира клеточните активности. Сепак, исхраната богата со шеќер може да доведе до вишок гликоза во мозокот, што студиите го поврзуваат со оштетување на меморијата и помала пластичност на хипокампусот – делот од мозокот кој ја контролира меморијата.
Конзумирањето нездрава преработена храна како колачи и газирани сокови, кои често се полни со рафинирани и додадени шеќери – често во форма на пченкарен сируп со висока содржина на фруктоза – може да го „преплави“ мозокот со гликоза.
Иако секое тело има различни потреби, Американското здружение за срце препорачува жените да консумираат не повеќе од 25 грама дополнителен шеќер дневно, а мажите да останат под 36 грама дополнителен шеќер дневно.
Пржена храна
Кога станува збор за здравјето на мозокот, се исплати да се намали количината на пржена храна што ја јадете. Студијата во која учествуваа 18.080 луѓе покажа дека исхраната богата со пржена храна е поврзана со пониски резултати во учењето и пониска меморија. Овој вид на храна предизвикува воспаление кое може да ги оштети крвните садови кои го снабдуваат мозокот со крв.
Друга студија опфатила 715 луѓе и ги измерила нивните нивоа на депресија и ментална отпорност. Документирано е и нивното ниво на консумација на пржена храна. Се разбира, истражувачите откриле дека оние кои консумираат повеќе пржена храна имаат поголема веројатност да развијат депресија во текот на нивниот живот.
Ако јадете пржена храна секој ден, почнете да ја јадете еднаш неделно. А кога ќе ви стане неделна навика, обидете се да уживате во неа само еднаш месечно. Ако престанете да јадете пржена храна, веќе сте на вистинскиот пат.
Јаглехидрати со висок гликемиски индекс
Дури и ако храната богата со јаглехидрати, како што се лебот, тестенините и се друго направено од рафинирано брашно, немаат сладок вкус, вашето тело сепак ги обработува на ист начин како што тоа го прави со шеќерот.
Тоа значи дека тие исто така можат да го зголемат ризикот од депресија. Не мора целосно да ги елиминирате, но важно е да се квалитетни јаглехидрати.
„Квалитетни“ јаглехидрати се, на пример, интегрални житарици, храна богата со растителни влакна и оние со низок гликемиски индекс (ГИ). ГИ е мерка за тоа колку брзо храната се претвора во гликоза кога се разградува за време на варењето, колку побрзо храната се претвора во гликоза во телото, толку е повисок нејзиниот ГИ ранг.
Истражувачите откриле дека луѓето кои имале највисока оценка за индексот на квалитет на јаглени хидрати, што значи дека јаделе поквалитетни јаглехидрати, имале 30 отсто помали шанси да развијат депресија отколку оние кои јаделе јаглехидрати со висок ГИ.
Јаглехидратите со висок ГИ вклучуваат компири, бел леб и бел ориз. Медот, сокот од портокал и лебот од цели зрна се храна со среден ГИ. Храната со низок ГИ вклучува зелен зеленчук, повеќето овошја, сирови моркови, грав и леќа.
Алкохол
Иако пијалокот може да не опушти за миг и често се конзумира со храна, може да се случи следното утро, кога ќе се разбудите, да бидете нервозни и мамурни.
Аркана Синг-Манук, истражувачка професорка и директорка на Францускиот институт за здравствени и медицински истражувања, и нејзините колеги следеле 9.087 луѓе 23 години за да видат како алкохолот е поврзан со деменцијата.
British Medical Journal објави дека луѓето кои целосно се воздржувале од алкохол или кои консумирале повеќе од 14 пијалоци неделно имале поголем ризик од деменција во споредба со оние кои пиеле алкохол во умерени количини.
Општо земено, мажите кои пијат повеќе од 14 пијалоци неделно или повеќе од четири пијалоци во еден ден барем еднаш месечно се сметаат за големи алкохоличари, како и жените кои пијат повеќе од седум пијалоци неделно или три пијалоци на ден. Но, различни луѓе и нивниот мозок различно реагираат на злоупотреба на алкохол.
„Кога работам со вознемирени пациенти кои пијат, секогаш ги замолувам да земат предвид контексти во кои би можеле да користат алкохол на нездрав начин, на пример, користење на пијалок како средство за справување со нешто што се обидуваат да го избегнат и да размислат за ублажување на количината што ја пијат“, вели Синг-Манук.
Нитрати
Нитратите најчесто се користат како конзерванси во сувомеснати производи како што се сланина, салама и колбаси, а тие може да бидат поврзани со депресија.
Една неодамнешна студија сугерира дека нитратите можат да ги променат цревните бактерии на таков начин што ќе доведе до биполарно растројство.