Хрватскиот претседател Зоран Милановиќ ја повика владата да ја прекине воената соработка со Израел

Претседателот на Хрватска, Зоран Милановиќ ја повика хрватската влада да ја прекине трговијата со оружје и воена опрема со Израел.

Како врховен командант, тoj уште во мај годинава наредил прекин на воената соработка на хрватската армија со Израел.

„Бидејќи купувањето и продажбата на воена опрема и вооружувањето е во надлежност на владата на Хрватска, претседателот ја повикува владата да постапи еднакво и да ја прекине трговијата со воена опрема со актуелната власт на државата Израел“, изјави портпаролот Никола Јелиќ.

Словенија изминатава седмица стана првата европска земја која се одлучи на слична мерка и донесе одлука за забрана за извоз и транзит на воена опрема од или низ Словенија во Израел.

Словенија воведе ембарго за оружје за Израел