Huawei подготвува интересно изненадување за своите корисници со премиерата на овогодинешната серија Мате. Компанијата одлучи да ги користи поскапите и подобрите OLED дисплеи во индустријата за паметни телефони. Плановите на Huawei предвидуваат да се претстават два модели на Mate 20, откако Pro верзијата ќе се одликува со заоблен OLED екран и ќе наликува на дизајнот на Mate RS Porsche Design. Компанијата нема да соработува со LG, бидејќи е премногу зафатена со нарачките на други производители.
Наместо тоа, Huawei ќе се договори за ОLED дисплеите на Huawei Mate 20 и Mate 20 Pro со кинескиот производител BOE, информира „Hi-Tech.Mail.Ru“. Оваа компанија ќе произведува екрани за претстојните паметни телефони. Официјалното лансирање на Маtе 20 и Маtе 20 Prо треба да се одржи на специјален настан во октомври. Стандардната верзија на паметниот телефон ќе има традиционален дизајн и ќе споделува многу технички карактеристики со Mate 20 Pro.
Уредите ќе работат под Android Oreo и ќе бидат напојувани од процесорите Kirin 980. Според непотврдени информации, Mate 20 Pro ќе има две камери на предната и уште три леќи во задниот дел. Маtе 20 е многу веројатно да понуди двојна задна камера. Huawei ќе сторат сé барем еден од двата смартфони да има сензор за отпечаток вграден во дисплејот и така да ги надминат сите останати производители на смартфони.