Hyundai N Vision 74 на Concorso d’Eleganza Villa d’Este

од Vladimir Zorba

Минатиот јули, Hyundai го претстави N Vision 74 Concept, во чест на Pony Coupe од 1974 година, концепт автомобил дизајниран од легендарниот Џорџето Џуџаро.

Некои медиуми во Јужна Кореја неодамна пишуваа дека овој спортски модел би можел да оди во сериско производство, но Hyundai набрзо тоа го демантираше. Во секој случај, N Vision 74 доби позитивни повратни информации од ентузијасти и новинари ширум светот.

Викендов Hyundai повторно го покажа N Vision 74, на традиционалниот настан Concorso d’Eleganza Villa d’Este на брегот на езерото Комо.

N Vision 74 инаку е опишан како ретро-футуристички модел, кој ја прикажува футуристичката научно-фантастична технологија. N Vision 74 се напојува со хибриден-водороден погонски систем кој комбинира погонски систем со електрична енергија од батеријата и горивни ќелии со водород. Со резервоар за водород што може да се наполни за пет минути и батерија од 62,4 kWh способна за брзо полнење од 800 V, N Vision 74 има домет од 600 km.

Автомобилот има вкупно 500 kW/680 КС и вртежен момент од 900 Nm, што овозможува максимална брзина од 250 km/h.

Во однос на димензиите, N Vision 74 е долг 4952 mm, широк 1995 mm, висок 1331 mm и меѓуоскино растојание од 2905 mm.

„Напредниот дизајн на N Vision 74 ја одразува почитта и благодарноста што ја имаме за посветеноста и страста што влегоа во концептот Pony Coupe“, рече SangYup Lee, извршен потпретседател и шеф на Hyundai Design Center.

Слични содржини