Шефот на Hyundai, Хозе Муњоз, вети дека компанијата „нема да ги зголеми цените“ и наместо тоа ќе ги „проголта“ новите американски увозни тарифи од 25 отсто што стапија на сила.
Говорејќи на саемот за автомобили во Сеул, Муњоз потврди дека иако брендот „сè уште ја проценува“ ситуацијата, тоа нема да влијае на клиентите.
САД се „многу, многу важен пазар“ за брендот, рече Муњоз. Минатата година, 20% од 4,14 милиони продажби беа направени во САД.
„Го видовме соопштението. Немаше изненадувања. Не го гледаме краткорочно, туку долгорочно“. Тој додаде: „Мораме да понудиме конкурентен производ. Нема да ги зголемиме цените“.
Корејскиот производител на автомобили моментално увезува околу половина од автомобилите што ги продава во САД. Tuscon, неговиот најпродаван модел во САД, е направен за американскиот пазар во Алабама, САД. Таа фабрика ги произведува и моделите Elantra, Sonata, Santa Fe и Santa Cruz.
Hyundai, исто така, претходно објави дека планира да инвестира 21 милијарда долари во своите операции во САД за да го зголеми производството на возила во земјата, вклучително и нова фабрика за челик.
Ова е дел од пошироките напори за проширување на производството на глобално ниво.