Воздухот во Тетово синоќа беше загаден за 17 пати повеќе од дозволената вредност. Мерните станици на Министерството за животна средина измерија 857 микрограми ПМ 10 честички на метар кубен.
Затворањето „Југохром“ не придонесе за намалување на аерозагадувањето, иако комбинатот на протестите против загадениот воздух, беше посочуван како најголем загадувач на воздухот.
Фабриката на 31 декември ги исклучи печките. Оттаму соопштија дека нема да работат до крајот на февруари поради состојбата со загадениот воздух, која во овој период од годината е најалармантна.
Преку писмено соопштение информираат дека одлуката ја донеле доброволно, иако тие остануваат на ставот, дека нивната фабрика не е единствениот, а уште помалку најголемиот загадувач во регионот.
И додека се бараат виновниците за големото аерозагадување во Тетово, властите се уште немаат извршено никакви испитувања кој се учествува во аерозагадувањето и кои се најголемите фактори за екстремно загадениот воздух.
Македонија ќе соработува со путиновиот диктатор од Белорусија
Здравствените работници велат дека сообраќајот, греењето и индустријата се главните извори на загадување. Но, за да се утврди точно кој најмногу загадува, потребни се мобилни станици за мерење на квалитетот на воздухот.
– Тие станици би се поставувале повремено во центарот на градот каде е најгуст сообраќајот, потоа станиците условно би се преселиле во некои населби, каде воопшто нема сообраќај и на тој начин би можело да се утврди колку сообраќајот придонесува за загадувањето на воздухот. Ако се утврди дека е најголем загадувач, тогаш властите треба да преземат ако е потребно и драстични мерки, на пример забрана на сообраќајот во деновите кога е екстремно загаден воздухот – изјави д-р Ратко Давидовски, специјалист по хигиена и здравствена екологија.
Воздухот во Тетово и денеска е за неколку пати повеќе загаден од дозволената вредност. Снежните врнежи не придонесоа многу за намалување на аерозагудувањето.