И Џафери ќе има портрет на Илинденска бр.2

Талат Џафери доби портрет кој ќе стои закачен на ѕидот во Влада на Илинденска бр.2.

„Благодарам Едмонд Драми за маестралното сликање на мојот премиерски портрет. Ти посакувам понатамошни успеси во уметничкото патешествие!“, сподели поранешниот спикер.

Џафери е трет технички премиер чиј портрет стои во владата и прв премиер од албанската етничка заедница.

Талат Џафери беше избран за претседател на влада на 28-ми јануари оваа година како 11-ти по ред прениер по независноста на Македонија односно трети по ред технички премиер. Претходно 7 години беше претседател на Собранието.