Британскиот музичар Елтон Џон го напушти Твитер во петокот, придружувајќи се на низата познати личности кои ја напуштија социјалната мрежа откако ја купи милијардерот Елон Маск.
Џон, кој моментално е на својата последна светска турнеја, како причина за неговото заминување ја наведе неодамнешната промена во политиката на Твитер.
„Цел живот се обидувам да ја користам музиката за да ги зближам луѓето. Но, сега ме растажува кога гледам како се користат дезинформации за да се подели нашиот свет“, објави Џон на Твитер, каде има повеќе од 1,1 милион следбеници.
„Одлучив повеќе да не го користам Твитер, со оглед на неодамнешната промена на политиката, која ќе дозволи дезинформациите да цветаат неконтролирано“, додаде тој.
All my life I’ve tried to use music to bring people together. Yet it saddens me to see how misinformation is now being used to divide our world.
I’ve decided to no longer use Twitter, given their recent change in policy which will allow misinformation to flourish unchecked.
— Elton John (@eltonofficial) December 9, 2022
„Ја сакам вашата музика. Се надевам дека ќе се вратите. Дали има некои лични дезинформации кои ве загрижуваат“, праша Маск како одговор на објавата на Џон.