316
Градоначалничката на Париз, Ан Идалго, исто така се надева дека Килијан Мбапе нема да го напушти Пари Сен Жермен. Се шпекулира дека напаѓачот на лето ќе ја напушти француската престолнина и ќе се пресели во Реал Мадрид.
„Оставајќи го фудбалот настрана, Килијан е важен бидејќи влева надеж кај нашите млади луѓе. Затоа сакам тој да остане. Само сакам да кажам дека многу го сакаме. Ова е љубов, приврзаност. Кажете му дека за нашиот град, и за земјата, тој е одличен пример за толку многу млади луѓе“, рече Идалго за време на гостување во ТВ-емисија.
Неодамна дури и францускиот претседател Емануел Макрон го повика светскиот шампион да продолжи да игра во земјата.