И официјално – СДСМ истапува од коалицијата Граѓани за Македонија

Пвриот опозиционер Зоран Заев, денеска информираше дека СДСМ истапува од коалицијата Граѓани за Македонија.

„И официјално ги известуваме граѓанските организации за формално правно разединување. Се заблагодаруваме за добрата соработка, чесно е и тие да имаат активна независна улога. Опозицијата влегува во Парламентот на 1. септември, а на 20 Октомври во Владата. Ја продолжуваме соработката за демократизација на државата, но не во коалиција“, вели Заев.

Коалицијата Граѓани за Македонија обединува 70 невладини организации и 15 партии, а заедно настапија на граѓанскиот протестен митинг на 17 мај.