Бугарската вицепремиерка и министерка за надворешни работи Марија Габриел синоќа го напуштила Скопје за да не присуствува на денешниот состанок на ОБСЕ, на кој присуствува и рускиот министер за надворешни работи Сергеј Лавров, објави бугарскиот медиум „БГНЕС“.
Габриел синоќа присуствуваше на отворањето на изложбата „Пловдив – град на мозаиците“ во Бугарскиот културно-информативен центар во центарот на Скопје и беше дел од неформалната вечера на министрите и шефовите на делегации.
Бугарија вчера не дозволи да прелета авионот на Лавров над нивниот воздушен простор бидејќи во него се наоѓала и портпаролката на руското МНР, Марија Захарова.
Покрај Габриел, на Самитот не се и шефовите на дипломатиите на балтичките земји, како и министерите за надворешни работи на Украина и Грција.
Покрај нив, вчера земјава ја напуштија и американскиот државен секретар Ентони Блинкен и шефот на европската дипломатија, Жозеп Борел.