Иако победи во Минхен, за Почетино Баерн е фаворит во реваншот

од Vladimir Zorba

Тренерот на Пари Сен Жермен, Маурисио Почетино го најави реваншот во четвртфиналето од Лигата на шампионите против Баерн во кој неговиот тим има предност од 3:2 од првиот натпревар.

Реваншот е закажан за утре во 21 часот на „Паркот на принцовите“, а Почетино верува дека неговиот тим треба да оди на победа.

„Баерн е тим што игра фудбал и мислам дека нема да го сменат својот стил. Ќе играме и со нашите идеи. Фудбалот е игра и ќе видиме кој ќе ги наметне своите идеи. Ќе се обидеме да го направиме тоа. Баерн е најдобар во Европа и мораме да имаме голема самодоверба, но мора да размислуваме за победа за пласман понатаму. Баерн е шампион и освои шест трофеи, па затоа е фаворит. Ние се стремиме да победиме. За клубот, место во полуфиналето би било одлично“, изјави аргентинскиот тренер.

Почетино очекува неговиот тим да покаже сила и издржливост и да заборави на отстранувањето на Барселона во осминафиналето.

„Зборував за колективен став за чување на топката, но исто така и за способноста. Треба да ги покажеме и двете работи. Барселона е минато. Утре играме против Баерн, најдобриот тим во светот. Јасно е дека тие ќе се обидат да ни создадат проблеми. Во таква ситуација, мора да покажеме сила, солидарност и цврстина“, рече Почетино.

Тренерот на ПСЖ сè уште не знае дали стоперот Маркињос ќе биде подготвен за реваншот, а одлуката ќе ја донесе утре. Тој не е сигурен дали ќе игра Марко Верати, ниту Алесандро Флоренци. Во списокот ќе се најде Моиз Кин, додека Мауро Икарди сигурно ќе го пропушти мечот.

loading...

Слични содржини